Kjarasamningur Félags lífeindafræðinga við ríkið samþykktur
Mikill meirihluti félagsmanna Félags lífeindafræðinga (FL) samþykkti samninginn sem var undirritaður þann 5 júní síðastliðinn. Niðurstaða atkvæðagreiðslu FL um nýgerðan kjarasamning við ríkið fór þannig að tæp 78% samþykktu hann, tæp 22% höfnuðu honum.
Atkvæðagreiðslan sem var rafræn og lauk á hádegi mánudaginn 22. júní. Á kjörskrá voru 207 og greiddu atkvæði 149. Kosningaþátttaka var því tæp 72% og niðurstaðan sú að 113 samþykktu hann, 32 höfnuðu honum og 4 skiluðu auðu.
